Сенің құшағыңда
Қарасам сенің көзіңе
Бар әлемді көремін,
Қалай ғана сол сезімді
Бір жүрекке түйемін?
Жанымда сезсем деміңді
Қуанышқа шомылам.
Сендей ару тағдырыма
Сиқырлықпен жазылған.
Сенсіз өткен өмірімді
Мен жалғанға теңеймін.
Сол жалғаннан оянсам деп
Жаратқаннан тілеймін.
Қасымда жүрген күндерді
Қиялыма балайын.
Көз жұмсам да бір күні
Құшағыңда жұмайын...
5 наурыз, 2024 жыл
Жүрегім ақ
Ей, тәкаппар дүние
Жаман көзбен қарайсың,
Кел дейсің маған, іздейсің
Бірақ мені таба алмайсың.
Сұлу көзбен арбайсың,
Аяғымнан орайсың.
Сенің құлың емеспін мен,
Бекер мені таңдайсың.
Қуланып қанша жүрсең де
Адал досым болмайсың.
Жүрегім ақ менің, ниетім таза
Соны неге ұқпайсың?
Жылдар бойы тер төгіп
Ақымақтарды алдайсың.
Маған енді сен келме,
Келген сәтте оңбайсың.
12 наурыз, 2024 жыл